საქართველოში კორონავირუსის პირველი შენთხვევა დაფიქსირდა. ამის შესახებ ინფორმაცია ცოტა ხნის წინ ჯანდაცვის მინისტრმა, ეკატერინე ტიკარაძემ დაადასტურა. მინიტრმა ამ თემასთან დაკავშირებით ბრიფინგი მთავრობის ადმინისტრაციაში გამართა. ინფექციურ საავადმყოფოს ბოქსირებულ განყოფილებაში მყოფი პაციენტების ანალიზები შესამოწმებლად ლუგარის ლაბორატორიაში იყო გაგზავნილი. ბოქსირებულ განყოფილებაში 14 პაციენტი იმყოფება. დღეს, 26 თებერვალს საქართველოში კორონავირუსის გავრცელების რისკის მატებაზე ჯანდაცვის მინისტრმა, ეკატერინე ტიკარაძემაც ისაუბრა. მინისტრის განმარტებით, თუ საჭირო გახდება სასაზღვრო ზოლის კონტროლი კიდევ უფრო გამკაცრდება. ვირუსი დაუფიქსირდა საქართველოს მოქალაქეს, რომელის საქართველოში შემოვიდა აზერბაიჯანის მხრიდან ირანიდან.
ირანიდან საქართველოს საზღვარი დაიკეტება ორი კვირით.
“აჟიოტაჟის მიზეზი არ არსებობს, რადგან ჩვენ სრულად ვაკონტროლებთ სიტუაციას და ეპიდემიის საფრთხე არ გვემუქრება. საგანგებო სიტუაციის გამოცხადების აუცილებლობა ამ ეტაპისთვის არ არსებობს,” – განაცხადა ჯანდაცვის მინისტრმა, ეკატერინე ტიკარაძემ.