ეროვნული ბიბლიოთეკის დირექტორი გიორგი კეკელიძე სოციალურ ქსელში ბიბლიოთეკის ფუნქციონირების შეჩერებასთან დაკავშირებით სოციალურ ქსელში წერს:
“კორონავირუსთან დაკავშირებით, ეროვნულ ბიბლიოთეკაში, მსოფლიო საბიბლიოთეკო ასოციაციასთან და სხვა ორგანიზაციებთან კოორდინირებული მოქმედებით, ვიწყებთ სადეზინფექციო სამუშაოებს. სამუშაოები 3-დან 9 მარტამდე გაგრძელდება. ამ პერიოდში ეროვნული ბიბლიოთეკა არ იმუშავებს. ეროვნული ბიბლიოთეკის ადმინისტრაცია და ცხადია, მათ შორის მეც, ჩვეულ რეჟიმში გავაგარძელებთ მუშაობას.
9 მარტიდან, სადეზინფექციო სამუშაოების დასრულების შემდეგ, ეროვნული ბიბლიოთეკის შესასვლელებსა და მომსახურების ადგილებში განთავსდება სპეციალური სადეზინფექციო დისპენსერები, რომელსაც ეროვნულ ბიბლიოთეკაში შემომსვლელი ყველა პირი გამოიყენებს”- წერს გიორგი კეკლიძე.