საქართველოს პარლამენტის თავმჯდომარე ირაკლი კობახიძე უკრაინის ხელისუფლებას ურჩევს, რომ მიხეილ სააკაშვილი რომელიმე თანამდებობაზე არ დანიშნონ.
«უკრაინა არის ქვეყანა, რომელიც არის ისტორიულად საქართველოს მეგობარი და შესაბამისად ქვეყნებს შორის ურთიერთობებზე გავლენა არ უნდა იქონიოს, თუმცა ჩვენს უკრაინელ მეგობრებს არ ვურჩევდი ასეთი გადაწყვეტილების მიღებას. ჩვენ ვიცით წინა შემთხვევაში, როგორ დასრულდა ასეთი გადაწყვეტილება. შედეგი, ამ შემთხვევაშიც, იქნება იგივე, როცა საქმე ეხება ავანტიურისტის დანიშვნას რაიმე პოზიციაზე, ბუნებრივია, შედეგი არის ყველა შემთხვევაში გარდაუვალი, ჩვენ შეგვიძლია მხოლოდ რჩევებით შემოვიფარგლოთ», — განაცხადა ირაკლი კობახიძემ «მაესტროს» ეთერში და დასძინა, რომ «მთავარია, ის [მიხეილ სააკაშვილი] საქართველოში უფრო ნაკლები აქტუალობით სარგებლობს და ამის დასტური იყო შუალედური არჩევნები»-განაცხადა კობახიძემ «მაესტროს» ეთერში
შეგახსენებთ გუშინ საქართველოს მესამე პრეზიდენტსა და ოდესის ყოფილ გუბერნატორს მიხეილ სააკაშვილს უკრაინის მოქალაქეობა, უკრაინის პრეზიდენტმა ვლადიმერ ზელენსკიმ აღუდგინა.