ტელეკომპანია „თრიალეთი“ აცხადებს, რომ ხელისუფლების კრიტიკის გამო მას ანგარიშებზე ინკასო დაედო. ფინანსურად რთულ მდგომარეობაში მყოფ კომპანიას, შემოსავლების სამსახურმა 10-15 წლის წინანდელი დავალიანების გამო ბლოკირება დაუწესა, რაც შესაძლოა ტელევიზიისა და რადიოს მუშაობის შეწყვეტას გამოიწვევს.
კომპანიის თქმით, კრიტიკული გადაცემების შემდეგ ადგილობრივ ხელისუფლებას აუკრძალეს ეთერში გამოჩენა, რაც, სავარაუდოდ, სუს-ის დავალებით მოხდა. „თრიალეთი“ ასევე ამტკიცებს, რომ გადაწყვეტილება შურისძიებას უკავშირდება და მას კობახიძისა და ოხანაშვილის სახელი ასოცირდება.
მათივე თქმით, წლების განმავლობაში ხელისუფლება უარს ამბობდა დავალიანების რესტრუქტურიზაციაზე, რაც სხვა კომპანიებისთვის ხშირად ხორციელდებოდა. დაუდგენელ ვადებში დარიცხული საურავების ზრდამ დავალიანება გააუარესა.
„თრიალეთი“ 1990 წლიდან მაუწყებლობს და, მათი განცხადებით, წარსულში მხარს უჭერდა „ქართულ ოცნებას“. თუმცა დღეს, ხელისუფლების მხრიდან იგრძნობა პრესინგი, რაც საფრთხეს უქმნის ტელეკომპანიის არსებობას — მათ შორის, მისი დარჩენილი წილების ბიძინა ივანიშვილის კომპანიის ხელში გადასვლითაც.
ტელეკომპანია მიიჩნევს, რომ საქართველოში ერთ-ერთი ყველაზე ძველი დამოუკიდებელი მედია ძალადობრივად იკეტება.