ვოლსკი: ნიკა მელია არის ადამიანების დაზიანებაზე პასუხისმგებელი

«რაიმე საკითხებზე მოლაპარაკება „ნაციონალური მოძრაობის“ სტრატეგიულ გეგმას არ შეესაბამება, არც ამნისტია და არც სხვა თემა, რაც ერთობლივ საპარლამენტო მუშაობას ითვალისწინებს. მიმაჩნია, რომ ნიკა მელია არის ყველაფერზე პასუხისმგებელი, მათ შორის ადამიანების დაზიანებაზე, სახელმწიფო სტრუქტურების ჩამონგრევის მცდელობაც მისი ლიდერობით ხორციელდება. მაგრამ თუ ვამბობთ, რომ ისტორიის ამ ნაწილს უნდა გადავაბიჯოთ და ახალი ფურცლიდან დავიწყოთ ურთიერთობა, ეს ქვეყნის ინტერესებიდან გამომდინარეობს. ნიკა მელიას ციხიდან გამოშვების სხვა მექანიზმი არ არსებობს, თუ არა გირაო ან ამნისტია. მაშინ, სასამართლომ უნდა გაამართლოს და თვალი დახუჭოს იმ მტკიცებულებებზე, რომელიც მის წინააღმდეგ გააჩნია ტელევიზიებს, გამოძიებას»-განაცხადა საქართველოს პარლამენტის პირველმა ვიცე-სპიკერმა, გია ვოლსკიმ საქართველოს პირველ არხთან.