პარტია „პროგრესი და თავისუფლების“ თავმჯდომარემ , კახა ოქრიაშვილმა მიხეილ სააკაშვილის მიერ საქართველოში ჩამოსვლასთან დაკავშირებით განაცხადა, რომ სააკაშვილის სიურპრიზთან დაკავშირებით არანაირ ინფორმაციას არ ფლობს.
“სიურპრიზთან დაკავშირებული არანაირი ინფორმაცია არ მაქვს. ალბათ, უკავშირდება ბატონი სააკაშვილის ჩამოსვლის ფორმას, როგორ ჩამოვა საქართველოში, მაგრამ მან მკაფიოდ განაცხადა, რომ შემოდგომაზე აუცილებლად ჩამოვა საქართველოში და ჩემთანაც ეს დაადასტურა, რომ მზად არის ჩამოვიდეს შემოდგომაზე. სიურპრიზთან დაკავშირებით, მართალი გითხრათ, არაფერი ვიცი.
აქვე მინდა გითხრათ, რომ მე ვერ ვხედავ ბატონ სააკაშვილს პრემიერ-მინისტრის, ან პარლამენტის თავმჯდომარის პოსტზე, ის პოლიტიკოსია და გავლენა აქვს საქართველოს პოლიტიკაზე დღესაც უკრაინიდან, მაგრამ მე ვთლი, რომ ახალგაზრდა პოლიტიკოსებს ამ თანამდებობებზე გზა უნდა გაეხსნათ. ეს სიურპრიზი არ არის, ასე ვამბობდი ყოველთვის. გიდასტურებთ, რომ ისიც ვერ ხედავს თავის თავს ამ თანამდებობებზე მომავალში საქართველოში”- განაცხადა ოქრიაშვილმა.