სამხედრო

ვაზიანის სამხედრო ბაზაზე რიგითი გარდაიცვალა

სამწუხარო   ფაქტი მოხდა ვაზიანის სამხედრო ბაზაზე, სადაც  რიგითი ვაჟა შთირიშვილი გარდაიცვალა.

აღნიშნულ ფაქტზე ინფორმაციას  საქართველოს თავდაცვის სამინისტრო ავრცელებს:

“საქართველოს თავდაცვის სამინისტრო მწუხარებას გამოთქვამს მე-12 ბატალიონის, მესამე მსუბუქი ქვეითი ასეულის, პირველი კლასის რიგითის ვაჟა ლევანის ძე შათირიშვილის გარდაცვალების გამო.

პირველი ქვეითი ბრიგადის მე-12 ბატალიონის მე-3 ასეული იმყოფებოდა ვაზიანში არსებულ სასროლეთზე, სწავლების მიზნით, რომლის დასრულების შემდეგ, როდესაც სამხედრო მოსამსახურეები ტოვებდნენ სასროლეთის ტერიტორიას, ავტომანქანა გადაბრუნდა მიწაყრილიან გზაზე, რის შედეგადაც ჯანმრთელობის სხვადასხვა დაზიანება მიიღო მძღოლმა, რიგითმა გიორგი ძაგანაშვილმა, მანქანის მეთაურმა, რიგითმა ვაჟა შათირიშვილმა და მეტყვიამფრქვევე გიორგი ვარძელაშვილმა.

სამივე სამხედრო მოსამსახურე დაუყოვნებლივ გადაყვანილი იქნა ინგოროყვას სახელობის კლინიკაში, სადაც მიყვანისთანავე გარდაიცვალა ვაჟა შათირიშვილი. დანარჩენი სამხედრო მოსამსახურეების სიცოცხლეს საფრთხე არ ემუქრება.

სამხედრო პოლიციის დეპარტამენტში დაწყებულია გამოძიება საქართველოს სსკ მე-400 მუხლის მე-2 ნაწილით, რაც გულისხმობს საბრძოლო სატრნასპორტო მანქანის მართვის, ან ექსპლუატაციის წესის დარვევას, რამაც გამოიწვია ადამიანის სიცოცხლის მოსპობა. დანაშაული 3-7 წლამდე პატიმრობას ითვალისწინებს”, – ნათქვამია სამინისტროს განცხადებაში.

ფაქტები.ჯი

მსგავსი პოსტები

ინდოეთისა და ჩინეთის საზღვარზე მომხდარი დაპირისპირების შედეგად 20 ინდოელი სამხედრო დაიღუპა

აშშ-მა ევროპაში 6 სამხედრო თვითმფრინავი, «ბი 52» ტიპის ბომბდამშენები გაგზავნა(ვიდეო)

«Porter»-ი უკვე ბათუმშია

Joni Kvaracxelia

დატოვე კომენტარი