განცხადებები

«ეს იქნება მხოლოდ კარგი, ეს იქნება კიდევ მეტი სტიმული საქართველოსთვის…»-მდინარაძე

«პრემიერ-მინისტრის ბოლო შეხვედრა იყო არა მხოლოდ უბრალოდ პოზიტიურად შესაფასებელი, არამედ იქ უკვე ჩვენი პარტნიორებისაგან წამოვიდა აბსოლუტურად მკაფიო გზავნილები, რაც ნიშნავდა ცალსახა აღიარებას ჩვენ მიერ გატარებული რეფორმების. ამიტომ ჩვენ თავისუფლად ვამბობთ, რომ 2030 წელს საქართველო ეკონომიკურად, ასევე რეფორმების თვალსაზრისით, უფლებების დაცვის, დემოკრატიის ხარისხის მიხრდვით და ა.შ. იქნება მზად ევროკავშირის წევრობისთვის, ის იქნება უფრო მზად, ვიდრე ნებისმიერი კანდიდატი ქვეყანა.

რაც შეეხება სტრატეგიულ პარტნიორებს, ჩვენი დიდი ხნის სტრატეგიული პარტნიორია ამერიკის შეერთებული შტატები და ჩვენ ეს ურთიერთობა შედარებით ახალი გვაქვს ჩინეთთან. სტრატეგიულ პარტნიორზე მართლაც დამოკიდებულია ორმხრივი ურთიერთობის ფორმებიც კი. შესაბამისად, ჩვენ ვისურვებდით, რომ როგორი ინტერესიც არის ჩინეთის მხრიდან, ისეთივე ინტერესი იყოს ჩვენი დიდი ხნის მეგობრებისა და პარტნიორების მხრიდან თავისუფალ ვაჭრობასთან, ეკონომიკურ ურთიერთობებთან, უვიზო რეჟიმსა და სხვა საკითხებთან დაკავშირებით.

ეს იქნება მხოლოდ კარგი, ეს იქნება კიდევ მეტი სტიმული საქართველოსთვის და ქართული საზოგადოებისთვის, რომ კიდევ უფრო მჭიდრო თანამშრომლობა, მეტი სტრატეგიული პარტნიორობა გვქონდეს ჩვენს სტრატეგიულ პარტნიორთან, აშშ-თან.

რაც შეეხება ჩინეთს, ძალიან სასიხარულოა, რომ ამ საკითხებთან დაკავშირებით მათი ინტერესი არის ძალიან დიდი. ეს ჩვენს ეკონომიკას ერთიორად წაადგება, მათ შორის, არამხოლოდ ეკონომიკას, სხვა საკითხებს, რაც სტრატეგიული პარტნიორობის ფარგლებში შეიძლება უზრუნველყოფილი იქნეს»

ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.

მსგავსი პოსტები

მომავალში ადამიანის ორგანოების დონორები უკვე ღორები გახდებიან

«ჩვენი მიზანია ქვეყნის ტერიტორიული მთლიანობის აღდგენა ომის გარეშე»-გიორგი გახარია (ვიდეო)

მთავარი არხის ოფიციალური განცხადება

დატოვე კომენტარი