ევროპარლამენტი ევროკავშირს მოუწოდებს, ალექსანდრე ლუკაშენკოს წინააღმდეგ სანქციები რაც შეიძლება მალე დაწესდეს. ევროპარლამენტის მიერ მიღებულ რეკომენდაციაში ასევე ნათქვამია, რომ ევროკავშირმა ბელარუსთან ურთიერთობებს უნდა გადახედოს.
აღნიშნულ რეკომენდაციას მხარი 602 ევროდეპუტატმა დაუჭირა, 44 — წინააღმდეგ წავიდა, ხოლო 44-მა კი თავი შეიკავა.
დოკუმენტში აღნიშნულია, რომ „ევროკავშირმა დაუყოვნებლივ უნდა დააწესოს ევროკავშირის საბჭოსა და საგარეო საქმეთა მინისტრების მიერ შეთანხმებული სანქციები, მათ შორის ალექსანდრე ლუკაშენკოს წინააღმდეგ“.
„2020 წლის 5 ნოემბერს ალექსანდრე ლუკაშენკოს საპრეზიდენტო ვადის ამოწურვის შემდეგ იგი მეტი აღარ იქნება ლეგიტიმური პრეზიდენტი“, — ნათქვამია ევროპარლამენტის მიერ მიღებულ რეკომენდაციაში.
Loading…
