ევროკავშირის პარლამენტმა მხარი დაუჭირა ინიციატივას, რომელიც ავიაკომპანიებს უკრძალავს ხელბარგზე დამატებითი გადასახადის დაწესებას.
მგზავრებს უფლება ექნებათ უფასოდ გადაიტანონ ერთი პირადი ნივთი (მაგ. ჩანთა ან ზურგჩანთა) და ერთი ხელბარგი (არაუმეტეს 7 კგ-სა და 100 სმ ზომის).
ეს ცვლილება მიზნად ისახავს სამგზავრო წესების გამჭვირვალობას და უსამართლო გადასახადების თავიდან აცილებას.
ევროპის კომისიის 2023 წლის უფრო ფართო რეფორმების ფარგლებში ასევე გათვალისწინებულია:
-
სრული ბილეთის ფასის წინასწარ გამოქვეყნება;
-
ბავშვების (12 წლამდე) უფასოდ მშობლის გვერდით დაჯდომა;
-
შეზღუდული შესაძლებლობების მქონე მგზავრების თანმხლები პირის უფასო გადაადგილება;
-
სტანდარტიზებული ანაზღაურების ფორმა გადადებების, გაუქმების ან ბარგის დაზიანების შემთხვევაში.
სავარაუდო შედეგები:
ავიაკომპანიების ზოგი წარმომადგენელი მიიჩნევს, რომ ამ ცვლილებებმა შესაძლოა ბილეთების ფასის ზოგადი ზრდა გამოიწვიოს, რადგან ყველა მომსახურება ბილეთში შევა.
შემდგომ ეტაპზე რეფორმები უნდა დაამტკიცოს ევროპარლამენტმა სრული შემადგენლობით და შეთანხმება წევრ სახელმწიფოებთან.