ევროკავშირი აპირებს, 1-ელი ივლისიდან გარე საზღვრები 14 ქვეყნის მოქალაქეებისთვის გახსნას, რომელთა შორის საქართველოც არის — ინფორმაციას ფრანგული გამოცემა „ლე მონდი“ ავრცელებს. გამოცემის ინფორმაციით, ასე გამოიყურება იმ 14 ქვეყნის ჩამონათვალი, რომლებიც ევროკავშირში 1-ელი ივლისიდან კარანტინის გავლის გარეშე შევლენ: ავსტრალია, კანადა, სამხრეთ კორეა, იაპონია, ახალი ზელანდია, რუანდა, ტაილანდი, ურუგვაი, ალჟირი, მაროკო, ტუნისი, საქართველო, მონტენეგრო და სერბეთი.
„ლე მონდის“ ინფორმაციით, სია შესაძლოა, ჩინეთიც დაემატოს, თუმცა მხოლოდ ერთი პირობით — თუ თავადაც დაუშვებს ევროკავშირის მოქალაქეებს.
Loading…