პაველ დუროვმა, VKontakte-ს ყოფილმა გენერალურმა დირექტორმა და Telegram-ის ერთ-ერთმა დამფუძნებელმა განაცხადა, რომ მას უკრაინული ფესვები აქვს და უკრაინაში კონფლიქტი მისთვის პირადია.
პირდაპირი გამოსვლა: „თუ ჩემს პოსტებს ადევნებთ თვალს, იცით, რომ მე მივყვები დედაჩემის შთამომავლობას კიევიდან…
დღემდე ბევრი ნათესავი გვყავს უკრაინაში მცხოვრები. ამიტომ, ეს ტრაგიკული კონფლიქტი პირადულია ჩემთვის და Telegram-ისთვის.
ზოგს აინტერესებდა, იყო თუ არა Telegram-ი უკრაინელებისთვის ნაკლებად უსაფრთხო, რადგან ოდესღაც რუსეთში ვცხოვრობდი. ნება მომეცით ვუთხრა ამ ხალხს, როგორ დასრულდა ჩემი კარიერა რუსეთში.
ცხრა წლის წინ ვიყავი რუსეთსა და უკრაინაში ყველაზე დიდი სოციალური ქსელის VKontakte-ის აღმასრულებელი დირექტორი. 2013 წელს რუსეთის FSB-ის უშიშროების სამსახურმა მომთხოვა მიმეწოდებინა უკრაინელი VC მომხმარებლების პერსონალური მონაცემები, რომლებიც აპროტესტებდნენ პრორუსულ პრეზიდენტს.
მე უარი ვთქვი ამ მოთხოვნების შესრულებაზე, რადგან ეს ჩვენი უკრაინელი მომხმარებლების ღალატს ნიშნავდა. ამის შემდეგ ჩემს მიერ დაარსებული კომპანიიდან გამათავისუფლეს და იძულებული გავხდი, რუსეთიდან წამოვსულიყავი.
მე დავკარგე ჩემი კომპანია და ჩემი სახლი, მაგრამ ამას ისევ გავაკეთებდი — უყოყმანოდ. ”