საქართველოში ნატოს გენერალური მდივნის იენს სტოლტენბერგის ოფიციალურ ვიზიტს ქართველი პოლიტიკოსები აფასებენ:
»არჩევნების კუთხით გავუზიარებთ ჩვენს ხედვას, რა უნდა გაკეთდეს იმისთვის,რომ შემდეგმა საპარლამენტო არჩევნებმა საქართველოში რეალურად გზა გახსნას ნატოში ინტეგრაციისთვის, დღევანდელი ხელისუფლება ვფიქრობ არასაკმარის დიპლომატიურ ძალისხმევას ეწევა,რომ მოხდეს პოლიტიკური ლობირება საქართველოს ნატოში ინტეგრაციისთვის,“-განაცხადა ”ნაციონალური მოძრაობის” თავმჯდომარის მოადგილემ სალომე სამადაშვილმა.
„ძალიან კარგი ფაქტია და ხაზს უსვამს, რომ დასავლეთი არ აპირებს რუსეთის კლანჭებში ჩააგდოს და დატოვოს საქართველო, მაგრამ ამისთვის საქართველომ უნდა გადადგას ნაბიჯები, მაგრამ სამწუხაროდ რაც დღევანდელი ხელისუფლების პირობებში წარმოუდგენელი მგონია და ბუნებრივია, შანსი იმისა, რომ რუსეთმა თავის გავლენა გააძლიეროს ასეთი კორუმპირებული ხელისუფლების პირობებში რა თქმა უნდა მაღალია,“-განაცხადა ”ევროპული საქართველოდან» ზურაბ ჭიაბერაშვილმა.
