გორის რაიონის ერთ-ერთ სოფელში მცხოვრები 17 წლის გოგო, რომელიც, 11 აგვისტოს, სავარაუდოდ, ქორწინების მიზნით მოიტაცეს, პოლიციას ამ დრომდე არ უპოვია.
არასრულწლოვანი გორი-თბილისის ტრასიდან მოიტაცეს, როდესაც ის თბილისში მიდიოდა. გოგონა მე-12 კლასელია.
როგორც არასრულწლოვნის ოჯახის წევრები აცხადებენ, მათ არ იციან გოგონას ზუსტი ადგილსამყოფელი და პოლიციისგან დროულად რეაგირებას და მის პოვნას მოითხოვენ. შსს-ს ცნობით, საქმე აღძრულია საქართველოს სისხლის სამართლის კოდექსის 143 მუხლის მესამე ნაწილის დ ქვეპუნქტით, რაც გულისხმობს თავისუფლების უკანონო აღკვეთას და ისჯება თავისუფლების აღკვეთით შვიდიდან ათ წლამდე.
Loading…