გორის მერის, კონსტანტინე თავზარაშვილის სკანდალურმა განცხადებამ საზოგადოების მხრიდან აღშფოთება გამოიწვია, მოსახლეობასთან შეხვედრისას მან საქართველო 2008 წლის აგვისტოს ომში დაადანაშაულა და განაცხადა, რომ ცხინვალი ქართველებმა დაბომბეს.
„მე მოსახლეობას ამას ვუმარტავდი, რომ ომი დაიწყო რუსეთმა, მაგრამ იყო ისეთი პროვოკაციები რუსეთიდან გამოწვეული, რომ ჩვენს მთავრობას, მაშინდელ ხელისუფლებას შეეძლო ეს პროვოკაციები აეცილებინა და ამ ომში არ ჩაბმულიყო, ამასთან დაკავშირებით ჩვენი უცხოელი პარტნიორებიც გახსოვთ ალბათ კონდოლიზა რაისი, მაშინდელი ელჩი მაილსი, აფრთხილებდნენ მიხეილ სააკაშვილს, რომ პროვოკაციები იქნებოდა და არ წამოგებოდნენ ამ პროვოკაციებს»- განაცხადა გორის მერმა.