გერმანიის ხელისუფლებამ საქართველოს მოქალაქე, ზელიმხან ხანგოშვილთან დაკავშირებით ვლადიმერ პუტინის მიერ გაკეთებული განცხადება უარყო. ამის შესახებ „დოიჩე ველე“ იუწყება. გერმანიის ხელისუფლების ოფიციალური წარმომადგენლის, შტეფან ზეიბერტის განცხადებით, მოსკოვს ზელიმხან ხანგოშვილის ექსტრადირების თხოვნით ბერლინისთვის არ მიუმართავს. „ჩვენ არ გვაქვს რაიმე სახით მონაცემი იმის შესახებ, რომ რუსეთმა ექსტრადირება ითხოვა“, – განაცხადა გერმანიის ხელისუფლების ოფიციალურმა წარმომადგენელმა, შტეფან ზეიბერტმა. მისი თქმით, გერმანიის პოზიცია ნათელია. რუსეთმა საქმის გამოძიებაში უნდა ითანამშრომლოს და გერმანიას გამოძიებისთვის საჭირო შესაბამისი ინფორმაცია მიაწოდოს.
გერმანიის ხელისუფლებამ ზელიმხან ხანგოშვილთან დაკავშირებული ვლადიმერ პუტინის განცხადება უარყო
