გიორგი გახარია 2 ივლისს საგამოძიებო კომისიას დისტანციურად უპასუხებს
საგამოძიებო კომისიამ ყოფილი პრემიერის, გიორგი გახარიას, დისტანციური ჩართვით გამოკითხვაზე თანხმობა განაცხადა. გადაწყვეტილება მიიღეს გახარიას წარმომადგენლის წერილის საფუძველზე.
კომისიის თავმჯდომარემ, თეა წულუკიანმა განმარტა, რომ გახარიამ თავად უნდა უზრუნველყოს ტექნიკური მზადყოფნა და ჩართვა არ დაასრულოს სხდომის დასრულებამდე. კომისიის წინაშე იგი 2 ივლისს, 16:00 საათზე წარსდგება.
გამოკითხვა შეეხება ჩორჩანის საგუშაგოს გახსნის თემას, რაზეც გახარია პირველად 23 ივნისს იყო დაბარებული, თუმცა ქვეყანაში არყოფნის გამო ვერ გამოცხადდა და დისტანციური ჩართვა თავად მოითხოვა.