გერმანიის კანცლერმა ანგელა მერკელმა ოთხშაბათს განაცხადა, რომ რუსეთის წინააღმდეგ შეიძლება სანქციები იქნეს შემოღებული 2015 წელს ბუნდესტაგის საიტზე ჰაკერული თავდასხმის გამო. მერკელმა ასევე ახსენა შარშან საქართველოს მოქალაქე ზელიმხან ხანგოშვილის მკვლელობა გერმანიის დედაქალაქში. ბერლინმა ოფიციალურად დასდო ბრალი მოსკოვს არასაკმარის თანამშრომლობაში ამ დანაშაულის გამოძიების საქმეში. ბოროტმოქმედებაში რუსეთის მოქალაქეა ეჭვმიტანილი. საგამოძიებო ჯგუფ Bellingcat-ის თანახმად, მკვლელობაში ეჭვმიტანილი პირი რუსეთის სპეცსამსახურებთანაა დაკავშირებული. გერმანიამ მკვლელობასთან დაკავშირებით ქვეყნიდან გააძევა რუსეთის ორი დიპლომატი.
Loading…