ბათუმში ეპიდაფეთქებაა — აჭარის რეგიონში ინფიცირების დღიური მაჩვენებლის 74%-ია. რეგიონში მკაცრი საკარანტინო რეჟიმი არ ამოქმედდება, თუმცა მზარდი შიდა გავრცელების გამო რეგულაციები მკაცრდება.
ბათუმში შესასვლელთან სპეციალური პუნქტი მოეწყობა, სადაც ოპერატიული შტაბი შესაბამის უწყებებთან ერთად იმუშავებს.
ქალაქში ყველა შემსვლელსა და გამომსვლელს თერმოსკრინინგი ჩაუტარდება. ტესტირებას მხოლოდ ის ადამიანები დაექვემდებარებიან, ვისაც შემოწმების შემდეგ ტემპერატურა დაუდგინდება.
დილიდან, აჭარაში საქართველოს ჯანდაცვის მინისტრი ეკატერინე ტიკარაძე და დაავადებათა კონტროლის ხელმძღვანელი ამირან გამყრელიძე იმყოფება. ისინი რეგიონში მოქმედ სამედიცინო დაწესებულებების წარმომადგენლებს შეხვდნენ და კორონავირუსის გამოწვევებსა და პრობლემებზე ისაუბრეს.
Loading…