ამერიკის შეერთებული შტატების სამხრეთ ნაწილში ტორნადოებისა და უხვი ნალექის გამო ცხრა ადამიანი დაიღუპა. ინფორმაციას „როიტერი“ ავრცელებს.
გამოცემის ცნობით, ელექტროენერგიის გარეშე დარჩა მილიონზე მეტი მოქალაქე.
სინოპტიკოსების ინფორმაციით, ამჟამად შტორმი ჩრდილო-აღმოსავლეთით მიიწევს. უახლოეს დღეებში მიჩიგანსა და ნიუ იორკის შტატებში ძლიერი თოვლია მოსალოდნელი.
ძლიერი შტორმები წლის ამ პერიოდში ამერიკის სამხრეთისთვის იშვიათობას არ წარმოადგენს. მიუხედავად ამისა, ხელისუფლება მოქალაქეებს სიფრთხილისკენ მოუწოდებს.
Loading…