ომი უკრაინაში

აშშ და ევროკავშირი კიევს მრავალმილიარდიან დახმარებას ჰპირდებიან

უკრაინაში რუსეთის ინტერვენციის დაწყების დღიდან უკრაინას დაპირებული დახმარების მოცულობამ, კიოლის მსოფლიო ეკონომიკის ინსტიტუტის გათვლებით, 266 მილიარდ ევროს მიაღწია და აგრძელებს ზრდას. ცოტა ხნის წინ, კიევმა შეძლო ევროკავშირი (EU) დაეთანხმა რეკორდულ 50 მილიარდ ევროს, მრავალწლიან ფინანსურ დახმარებაზე. ამრიგად, ევროკავშირმა ფინანსური ვალდებულებებით უკვე გაუსწრო შეერთებულ შტატებს.

ბოლო ორი წლის განმავლობაში, გამონაკლისის გარდა, ევროკავშირის ყველა ქვეყანამ, ასევე დიდმა ბრიტანეთმა, ნორვეგიამ და შეერთებულმა შტატებმა უკრაინას ამა თუ იმ ფორმით დახმარება გაუწიეს. სწორედ ეს ქვეყნები შეადგენდნენ თანხების გამცემთა აბსოლუტურ უმრავლესობას, თუმცა მათმა მოკავშირეებმა სხვა რეგიონებიდან — იაპონიიდან და კანადადან და სამხრეთ კორეამ (სხვებისგან განსხვავებით ნაკლებად თუმცა მაინც), ავსტრალიამ, თურქეთმა და ახალმა ზელანდიამ — ასევე მნიშვნელოვანი წვლილი შეიტანეს.

საინტერესოა, რომ წლის დასაწყისისთვის ერთიანმა ევროპულმა დახმარებამ უკვე გაუსწრო ამერიკულს: მხოლოდ ევროკავშირის დონეზე უკრაინას გამოეყო 85 მილიარდი ევრო და წევრი ქვეყნების ორმხრივად შეთანხმების შედეგად თანხამ 144 მლრდ მიაღწია.

„ევროპული დახმარება აგრძელებს ზრდას როგორც ვალდებულებების, ასევე დახმარების „განაწილების“ თვალსაზრისით“, — ნათქვამია გერმანიის კიოლის მსოფლიო ეკონომიკის ინსტიტუტის მოხსენებაში.

ევროკავშირის ყველა ქვეყანათა შორის გერმანია უდიდეს მხარდაჭერას უწევს უკრაინას, რომლის წვლილი მნიშვნელოვანია როგორც ევროპულ დონეზე, ასევე ორმხრივ ფორმატში.

მსგავსი პოსტები

აეროფლოტის ხელმძღვანელმა თანამდებობა და რუსეთი ერთდროულად დატოვა

Joni Kvaracxelia

ენმ: რუსეთის მოქალაქეებს საქართველოში შემოსვლისთვის საოკუპაციო შენატანი უნდა დაუწესდეთ

ტერორისტულ სახელმწიფოსთან რაიმე შეთანხმება შეუძლებელია-ვოლოდიმირ ზელენსკი

დატოვე კომენტარი