არ ვბრაზობ ივანიშვილზე – ვბრაზობ მათზე, ვინც ოდესღაც თანამებრძოლად მიმაჩნდა — აცხადებს კობა ხაბაზი.
ვერ ვიტყვი, რომ დღეს ისევ ვბრაზობ ივანიშვილსა და მის კრემლისეული ნება-სურვილით მართული ხელისუფლების წარმომადგენლებზე. ისინი ზუსტად იმას აკეთებენ, რასაც მოღალატეები აკეთებენ — და ამას არც მალავენ.
აღარც დაჭერებზე ვბრაზობ, აღარც სირცხვილის კანონებზე — ეს მათი ბუნებრივი მდგომარეობაა.
მაგრამ ვერ ვპატიობ და ვერ ვეგუები იმ ადამიანებს, ვისთანაც ოდესღაც გზაჯვარედინზე შევხვდი — ვინც თანამოაზრედ და თანამებრძოლად მიმაჩნდა, და დღეს ამ ხროვას ემსახურებიან.
მეგონა, ერთად ვიდექით. მეგონა, გვაერთიანებდა იდეა, ღირებულებები, ღირსება, სიყვარული ქვეყნისადმი.
და აი, აღმოჩნდა, რომ ყველაფერი ყალბი ყოფილა — ყალბი იყო მათი სიტყვა სამშობლოზე, პატრიოტიზმზე, ღირსებაზე, ადამიანობაზე.
ვბრაზობ არა მათზე მარტო — ვბრაზობ საკუთარ თავზე, რომ მათ ვენდობოდი.
რატომ განვიცდი ასე მძიმედ? პასუხი მარტივია:
თუ დღეს ხედავ, რომ ეს ხელისუფლება რუსული ინტერესების გამტარებელია და მაინც უჭერ მხარს — შენც ღალატში ხარ.
თუ ვერ ხედავ — ან ბრიყვი ხარ, ან რეგვენი.
არც მოღალატე მინდა გვერდით, არც ბრიყვი და რეგვენი.