შსს-ს ინფორმაციით, ჯანმრთელობის განზრახ მძიმე დაზიანების ბრალდებით 21 წლის ბიჭი დააკავეს. 1998 წელს დაბადებული პირის ბრალდება 3-დან 6 წლამდე ვადით თავისუფლების აღკვეთას ითვალისწინებს. უწყების ცნობით, ბრალდებულმა თბილისში, დიღმის მასივში, 2002 წელს დაბადებულ პირს ბასრი საგნით ფეხის არეში ჭრილობა მიაყენა და შემთხვევის ადგილიდან მიიმალა. დაჭრილი არასრულწლოვანი სასწრაფო სამედიცინო დახმარების ბრიგადის თანამშრომლებმა საავადმყოფოში გადაიყვანეს. მისი ჯანმრთელობის მდგომარეობა სტაბილურია.
არასრულწლოვნების კიდევ ერთი დაჭრის ფაქტი — თბილისში ბასრი საგნით არასრულწლოვანი დაჭრეს
